Қарағанды облысының әкімі Жеңіс Қасымбек кәсіпқой боксшы Геннадий Головкинмен кездесіп, оны соңғы жеңісімен құттықтағанын айтты
Геннадий Головкин облыс басшысынан өзі туып өскен Майқұдықтың жағдайы туралы сұраған.
«Геннадий Головкинмен кездесіп, Нью-Йорктегі жеңісімен құттықтауға мүмкіндік туды. Бірге отырып Қарағанды облысының спорт саласының дамуын талқыладық. Геннадий ерекше жылулықпен және қамқорлықпен Майқұдықтың спорт инфрақұрылымы туралы сұрады. Келесі жылы атақты «Литейщик» стадионын қалпына келтірумен айналысамыз және Магнитогорская көшесін толық жөндеуден өткіземіз деп уәде бердім.