Келесі нәубеттен зардап шегетіндер қатары COVID-19 вирусын жұқтырғандардан көп болады-мыс
Microsoft компаниясының негізін қалаушы Билл Гейтс коронавирусты жеңгеннен кейін адамзатқа басқа қауіптер төнуі мүмкін деп мәлімдеді, деп хабарлайды Azattyq Rýhy тілшісі LADbible-ге сілтеме жасап.
Бұл туралы миллиардер Veritasium YouTube арнасына берген сұхбатында айтты. Гейтс жаһандық жылынуға байланысты болған табиғи апаттардан көз жұмғандар саны жыл сайын артып келеді деді.
«Алдағы уақытта олардың қатары коронавирустан зардап шеккендерден де көп болады», - деді ол.
Сондай-ақ, Microsoft компаниясының негізін қалаушы биотерроризмді үлкен қауіп деп санайды.
«Бүкіл адамзатқа зиян келтіргісі келетіндер өлімге әкелетін жаңа вирус ойлап табуы мүмкін», - дейді кәсіпкер.
Гейтс бұған дейін вакцинация туралы жалған фактілердің таралуы COVID-19 эпидемиясын ұзартуы мүмкін екендігін айтқан.