Мәжілістің экс-депутаты жаңа қызметке сайланды

«Қазақстандық индустрия және экспорт орталығы» АҚ (QazIndustry) директорлар кеңесінің шешімімен орталықтың басқарма төрағасының орынбасары болып Марат Дәрібекұлы Бопазов сайланды. Ол QazIndustry орталығында өнеркәсіптік даму мәселелеріне жетекшілік етеді.

Марат Бопазов бұған дейін Мәжіліс депутаты, сондай-ақ Экология мәселелері және табиғат пайдалану комитетінің мүшесі болған.

Әр жылдары Семей және Талқорған қалаларында қызмет атқарған. 1999 жылдың қарашасынан 2016 жылдың наурызына дейін Талдықорған қалалық мәслихатының хатшысы қызметін атқарды.

2016 жылғы 24 наурыздан бастап VI сайланған Парламент Мәжілісінің депутаты болды.