Нұр-Сұлтанда ауа райына байланысты екінші ауысым оқушылары қашықтан оқиды

Бүгін Нұр-Сұлтанда ауа райына байланысты екінші ауысым оқушылары мен колледждердің 1-2 курс студенттері қашықтан оқиды. Бұл туралы қалалық Білім басқармасы хабарлады.

«Нұр-Сұлтан қаласының Білім басқармасы 12.01.2021 жылы ауа райының қолайсыздығына байланысты ІІ ауысымдағы 0-11(12) сынып оқушылары және колледждердің 1-2 курс студенттері үшін сабақ қашықтықтан оқыту форматына көшіріледі», - делінген хабарламада.

Айта кетейік, кеше Қазақстандық мектептерде үшінші тоқсан жоспарлы түрде басталды. Үшінші тоқсан 20 наурызға дейін жалғастырылатын болады. Бұл тоқсанда дәстүрлі формат оқыту екінші тоқсандағыдай 1-5 кезекші сыныптарда, жалпы білім беретін мектептерде және халықаралық мектептерде 1-7 сыныптарда дәстүрлі форматта оқыту қарастырылады.

Екінші тоқсанда 300-ге дейінгі оқушысы бар мектептерде дәстүрлі форматта оқыту әрі қарай жалғасып келе жатыр.

Санитарлық-эпидемиологиялық жағдайды ескере отырып, 15 оқушыға дейінгі сыныптар бөлініп оқыту жалғастырылатын болады. Осы рұқсат етілген категорияларда, мектеп-интернаттарда, дарынды балаларға арналған интернаттарда тұрып оқу жағдайы қарастырылады.

Әр жағдайда штатты форматтардағы шешімді қабылдау жергілікті мемлекеттік санитарлық дәрігерлердің шешімімен қарастырылатын болады.

Оқу процесін ұйымдастыру форматы келесідей жүргізіліп отыр.

• Қазір оқушылардың 1-5-сыныптардың 24%-ы - кезекші сыныптарда оқуларын жалғастыруда.
• 300-ге дейінгі мектептерде 10,3% оқушылар оқуларын штаттық форматта жалғастыруда.
• Жаңадан 9-11,12-сыныптардың оқушылары - 7,4%-ды құрайды.
• 260 мыңнан астам оқушы оқуларын дәстүрлі штатты форматта бастады.
• Бүгінгі күні 58,3% (2 млн) оқушылар қашықтық форматта оқуларын жалғастыруда. 41,7% оқушы - штаттық форматқа ауыстырылды.
• Колледжерде келесі аптада, 18-қаңтарда басталатын болады. Бірінші курс студенттеріне штаттық форматта рұқсат етілді.