Шетелдегі 56 сайлау учаскесінде дауыс беру жалғасуда
Нұр-Сұлтан қаласы уақытымен сағат 20:00-де еліміздің 12 өңіріндегі, ал сағат 21:00-де қалған 5 өңірдегі сайлау учаскелері жабылды. Осылайша, кезекті сайлау науқанына орай ашылған 17 өңірдегі 9994 учаскесі жұмысын аяқтады.
Қазақстанның шет мемлекеттегі өкілдіктері жанынан ашылған 66 сайлау учаскесінің 10-ында дауыс беру аяқталды. Уақыт белдеуіне байланысты Қазақстаннан тыс жердегі қалған 56 сайлау учаскесінде дауыс беру жалғасуда. 11 қаңтар күні Нұр-Сұлтан уақытымен таңғы сағат 07:00-де АҚШ пен Канададағы Қазақстан азаматтары дауыс беруді аяқтайтын болады.