Ол танысының үйінде қонақта болған
Шығыс Қазақстан облысында полиция қызметкерлері екі апта бұрын жоғалып кеткен әйелді тапты, деп хабарлайды Azattyq Rýhy тілшісі ШҚО Полиция департаменті баспасөз қызметіне сілтеме жасап.
«4 қаңтарда Риддер қалалық полиция бөліміне хабарласқан тұрғын желтоқсан айының ортасында үйден шыққан 36 жастағы қызының сол күйі хабар-ошарсыз кеткенін айтқан», - деп жазылған хабарламада.
Риддер қалалық полиция бөлімінің полицейлері әйелді тапты. Ол танысының үйінде қонақта болған екен.