ШұғылҚазақстанда өткен тәулікте 1180 адам коронавирус жұқтырды

Алматы облысында қар құрсауынан 30 адам құтқарылды

Автокөліктердің салонында 2 бала болған

Фото: Алматы облысы ТЖД

30 қараша күні сағат 02:37-де Алматы облысы Төтенше жағдайлар департаментіне Ақсу ауданында «Алматы – Өскемен а/ж – Қапал-Арасан шипажайы» автожолының 19 шақырымында, Көшкентал ауылынан 10 шақырым жерде жеңіл автокөліктердің қар құрсауында қалып қойғаны туралы хабарлама келіп түсті.

Алматы облысы ТЖД күшімен автожол учаскесі қар құрсауынан тазартылды, 10 автокөлік жүрісін жалғастырды. Автокөліктердің салонында 30 адам болды, оның ішінде 2 бала бар. Олардың барлығы медициналық көмекке мұқтаж емес еді.

Алматы облысы жолаушылар көлігі және автомобиль жолдары басқармасының хабарлауынша, ауа райының қолайсыздығына, бұрқасын мен нашар көрінуіне байланысты сол күні сағат 09:30-дан бастап «Алматы – Өскемен а/ж – Қапал-Арасан шипажайы» облыстық маңызы бар автожол учаскесінде (0 шақырым мен 45 шақырым арасында) барлық автокөлік түрлері үшін қозғалыс жабылды.