GGG соңғы жекпе-жегін өткен жылдың қазан айында өткізді
DAZN стримингтік сервисі қазақстандық Геннадий Головкиннің кезекті жекпе-жегін ресми түрде жариялады.
Ол 18 желтоқсанда GGG поляк боксшысы Камил Шереметамен жекпе-жек өткізеді. Қазақстандық боксшы өзіне тиесілі IBF титулын қорғайды.
GGG соңғы жекпе-жегін өткен жылдың қазан айында өткізіп, украиналық Сергей Деревянченконы жеңген болатын.
Еске салайық, GGG мен Шеремета Холливуд қаласындағы (АҚШ, Флорида штаты) Hard Rock Holly казино-қонақүйінде кездеседі. Шоуды DAZN стриминг сервисі трансляциялайды.