13 қараша күнгі ауа райы болжамы
Жұма күні Қазақстанның басым бөлігінде жел соғып, көктайғақ болады
13 қараша күні еліміздің солтүстік өңірлерінде жел күшейіп, жаяу бұрқасын соғады. Жаңбыр немесе қар жауады, еліміздің шығысы пен оңтүстік-шығысында қатты жауын-шашын жауады. Кей жерлерде тұман түседі, көктайғақ болады, жел күшейіп, солтүстік өңірлерде жаяу бұрқасын соғуы ықтимал, деп хабарлайды Azattyq Rýhy тілшісі Қазгидрометке сілтеме жасап.
Қостанай, Солтүстік Қазақстан, Қарағанды, түнде Павлодар облыстарының кей жерлерінде тұман түседі, көктайғақ болады, жаяу бұрқасын соғады, желдің күші 15-20 м/с жетеді.
Солтүстік Қазақстан, Қарағанды облыстарында желдің екпіні 23-28 м/с болуы мүмкін.
Алматы, Батыс Қазақстан облыстарының кей жерлерінде тұман түседі, көктайғақ болады, желдің күші 15-20 м/с жетеді.
Ақмола облысының кей жерлерінде жаяу бұрқасын соғады, желдің күші 15-20, екпіні 25 м/с жетуі мүмкін.
Жамбыл, Түркістан, Маңғыстау облыстарының кей жерлерінде тұман түседі, Жамбыл облысында көктайғақ болуы ықтимал.
Ақтөбе облысының кей жерлерінде көктайғақ болады, Шығыс Қазақстан облысының кей жерлерінде желдің күші 15-20, екпіні 25 м/с жетеді.
