Абылай Әуелханов қоссайыс нәтижесінде 237 келіні бағындырды
Қазақстандық ауыр атлет Абылай Әуелханов жасөспірімдер арасындағы әлем кубогы жеңімпазы атанды, деп хабарлайды Olympic.kz.
Перудің Лима қаласында жасөспірімдер арасындағы әлем кубогы өтіп жатыр. Онлайн форматта өтіп жатқан халықаралық бәсекеде Қазақстан спортшысы алға шықты.
Абылай Әуелханов 55 келіге дейінгі салмақ дәрежесінде қатысты. Қоссайыс нәтижесінде жалпы 237 (102+135) келіні бағындырып, әлемдік жарыста топ жарды.