Жексенбі күні Қазақстанның басым бөлігінде жауын-шашын жауады
8 қараша күні Қазақстанның басым бөлігінде жауын-шашын (көбінесе жаңбыр) жауады, оңтүстіктің таулы аймақтарында қатты жаңбыр күтіледі. Республиканың кей жерлерінде жел екпіні 23-28 м/с дейін күшейеді. Тұман түсіп, көктайғақ болады, солтүстікте жаяу бұрқасын көтеріледі. Тек еліміздің оңтүстік-шығысы мен шығысында жауын-шашын жаумайды, күн ашық болады, деп хабарлайды Azattyq Rýhy тілшісі Қазгидрометке сілтеме жасап.
Ақмола облысының кей жерлерінде тұман түседі, көктайғақ болады. Түнде кей жерлерде, күндіз басым бөлігінде жел екпіні - 25 м/с.
Солтүстік Қазақстан облысының кей жерлерінде тұман, көктайғақ, жаяу бұрқасын күтіледі, түнде кей жерлерде, күндіз басым бөлігінде желдің күші 23-28 м/с жетеді.
Жамбыл облысының кей жерлерінде жел екпіні 23-28 м/с дейін күшейеді.
Түркістан облысының кей жерлерінде жел жылдамдығы - 23-28 м/с. Маңғыстау, Павлодар, таңертең және күндіз Қызылорда облыстарының кей жерлерінде желдің күші 15-20 м/с жетеді.
Батыс Қазақстан, Ақтөбе, Қостанай облыстарының кей жерлерінде тұман түседі, күндіз желдің қарқыны - 15-20 м/с.
Ақтөбе, Қостанай облыстарының кей жерлерінде көктайғақ болады.
Қарағанды облысының кей жерлерінде тұман түседі, жел екпіні 25 м/с дейін күшейеді.
Шығыс Қазақстан, Атырау облыстарының кей жерлерінде түнде тұман түседі, Шығыс Қазақстан облысының кей жерлерінде желдің күші 25 м/с жетеді.