Осылайша, РФ коронавирус жұқтыру дерегі бойынша әлемдік тізімде 4-орынға шықты
Ресейде бір күнде коронавирустың 18 648 жаңа жағдайы анықталды, деп хабарлайды Azattyq Rýhy тілшісі стопкоронавирус.рф-қа сілтеме жасай отырып.
Анықталған науқастардың төрттен бір бөлігі – 4421-і – асимптоматикалық. Жұқтырғандардың жалпы саны 1,673 миллионға жетті. Сондай-ақ, елде 1 күнде 355 өлім тіркелді және пандемия басталғалы бері 28 828 адам қайтыс болды.
Хопкинс университетінің бүкіл әлемде коронавирус туралы мәліметтер жинайтын рейтингісінде Ресей төртінші орында тұр.