Әлемде коронавирус жұқтырғандар саны 45 миллионнан асты

Әлемде коронавирус жұқтырғандар саны 45 миллионнан асты. Бұл туралы халықаралық ұйымдардың, федералды және жергілікті билік органдарының ақпараты негізінде есептеулер жүргізетін американдық Джонс Хопкинс университетінің сайтында жарияланды, деп хабарлайды Azattyq Rýhy. 

Университет есебінше, қазір вирус жұқтырғандардың саны 45 018 354 құрайды, 1 181 027 адам қайтыс болды, 30 298 756 адам сауығып кетті. 

Инфекцияның ең көп жағдайы АҚШ-та тіркелген (8 944 934). Одан кейін Үндістан (8,088,851) және Бразилия (5,494,376) тұр. 

Ал Ресейде коронавирусқа қарсы федералды жедел штабтың мәліметі бойынша, 1 581 693 инфекция тіркелді, 1 186 041 адам жазылып шықса, 27 301 адам қайтыс болды.