Бұл мобильді қосымшаны әрбір адам өзінің ұялы телефонына жүктей алады
COVID-19 мәселесін реттеу шеңберінде ПТР-тест нәтижелерінің бірыңғай базасы құрылды. Бұл туралы ҚР Цифрлық даму, инновациялар және аэроғарыш өнеркәсібі министрі Бағдат Мусин айтты, деп хабарлайды Azattyq Rýhy тілшісі.
«Қазіргі уақытта 95% жеке зертханалармен интеграция жүргізілді. Вирустың таралуын бақылауға мүмкіндік беретін Saqbol мобильді қосымшасы жасалды. Қосымшаның жұмысы сол қосымшаны орналастырған басқа құрылғылармен контактілерді жасырын түрде іздеуге бағытталған»,- деді министр.
Бұл мобильді қосымшаны әрбір адам өзінің ұялы телефонына жүктей алады және оны қолдану арқылы өзін коронавирустан сақтайды.
«ПТР-тесті оң болған адамдарды осы қосымша арқылы біліп отыруға болады. Мәселен, біздің отырыста отырған адамдардың бірінде вирус анықталып расталса, осы отырыста болған барлық адамдарға анонимді түрде ақпарат жіберіледі. «Сіз вирус жұқтырған адаммен байланыста болдыңыз, сол үшін тест тапсырыңыз» деген хабарлама келіп түседі», - деді министр.
Бұл үшін ПТР-тестін қабылдайтын барлық база біріктірілді. Денсаулық сақтау министрлігі бірыңғай база жасақтады.
COVID-19 тестін тапсырған азаматтар үшін нәтижелер «EgovMobile» қосымшасының «Цифрлық құжаттар» сервисінде қолжетімді.
Saqbol мобильді қосымшасын Google Play және AppStore-да жүктеуге болады.
Министрдің айтуынша, сондай-ақ, қазіргі уақытта Zertteu мобильді қосымшасы әзірленуде, оның негізгі функционалдығы:
Сымбат Ғалымжан, Нұр-Сұлтан