Геннадий Головкиннің 2020 жылы өтетін жекпе-жектерінің кестесі жасалды
Қазақстандық боксшы Геннадий Головкиннің 2020 жылы өткізетін кездесулердің кестесі жасалған, деп жазады Azattyq Rýhy тілшісі Vringe-ге сілтеме жасап.
IBF тұжырымы бойынша қазіргі чемпионы Головкиннің өкілдері боксшының 2020 жылы өткізетін кездесулерінің кестесі жасалғанын айтты. Отандасымыз 2020 жылдың 8 ақпанында чемпиондық белдігін қорғау мақсатында польшалық боксшы Камил шереметаға қарсы Чикаго қаласында жекпе-жек өткізеді. Сондай-ақ 2020 жылдың мамыр айында Головкин мен Альварес арасында үшінші кездесу өткізу күтілген. Алайда, мексикалық боксшы ол уақытта GGG-мен жұдырықтаспайтынын айтқан. «Канело» тарапы кездесуді 2020 жылдың қыркүйегінде Сан-Антонио қаласында өткізуді ұсынған. Бұған GGG командасы келісімін берген.
Айта кетсек, Головкин мен Альварес арасындағы алғашқы екі кездесу тек қыркүйек айында өткізілген. Бірінші жекпе-жек тең аяқталса, 2017 жылғы кездесуде мексикалық боксшы төрешілердің шешімімен жеңіске жеткен болатын.