9 жастағы вундеркинд университет бітірмек
Ол алты жылдық білім бағдарламасын 1,5 жылда меңгерген
Нидерландылық вундеркинд Лоран Симонс бірнеше айдан кейін Эйндховендегі Техникалық университеттің электр техникасы факультетін бітіріп, жоғары оқу орнының дипломын алған ең жас түлек атанады, деп хабарлайды Azattyq Rýhy тілшісі ВВС-ге сілтеме жасап.
Басылымның хабарлауынша, Лоран Симонс мектепте алты жылдық білім бағдарламасын 1,5 жылда меңгеріп, мектеп аттестатын 8 жасында алған. Ол бір жыл бұрын университетке оқуға түскен.
«Баланың IQ-і — 145. Оның есте сақтау қабілеті керемет. Лоран математиканы жақсы көреді. Болашақта ол кардиохирург болғысы келеді», - деп жазады басылым.
Айта кету керек, әзірге әлемде университет дипломын алған ең жас түлек атағы 10 жасында Алабама университетін бітірген америкалық Майкл Карниге тиесілі.
