Әлемде коронавирус жұқтырғандар саны 30 миллионға жуықтап қалды
Әлем бойынша бір күнде 368 мың адамнан коронавирус анықталды, деп хабарлайды Azattyq Rýhy тілшісі Джонс Хопкинс университетіне сілтеме жасап.
Бұған дейін рекордты көрсеткіш 13 қыркүйек күні тіркелген еді. Ол кезде бір күнде 307 930 адамнан коронавирус анықталған.
16 кыркүйектегі жағдай бойынша әлемде COVID-19 жұқтырғандар саны 29,6 миллионға жетті. Оның 20,1 миллионы жазылып шықты. 937 мың адам қайтыс болды.
Коронавирус жұқтырғандар саны бойынша АҚШ (6,6 млн), Үндістан (5 млн), Бразилия (4,3 млн), Ресей (1 млн) және Перу (738 мың) тұр.