Заң жобасына сәйкес, тараптардың татуласуы алынып тасталды
Қазақстанның Қылмыстық кодексінде мал ұрлығына қатысты пайда болған жеке бап бойынша қыркүйек айының басында 5 адам жазаланған. Бұл туралы ҚР Бас прокурорының орынбасары Марат Ахметжанов орталық коммуникациялар алаңында өткен брифингте мәлімеді, деп хабарлайды Azattyq Rýhy тілшісі.
«Соңғы жылдары мал ұрлығы кәсіпке айналғандықтан, қылмыстық кодексте «мал ұрлығы» деген жеке бап пайда болған. Биыл Түркістан облысында 200-ге жуық ірі қараны ұрлап, ауыл тұрғындарына миллиондаған шығын әкелген ұйымдасқан қылмыстық топ өкілдері жаңа бап бойынша жазаланды. Мал ұрлығымен айналысқан 5 адамның әрбіреуі 8 жылдан бас бостандығынан айырылды», - деп атап өтті Марат Ахметжанов.
Айта кететіні, аталған бап 2019 жылдың қыркүйек айында талқылауға түскен болатын.