Елімізде Қазақстан тарихы бойынша бірыңғай базалық оқулық құру ұсынылуда

Тарих пәні бойынша бірыңғай базалық оқулықты Қазақстанда басып шығару жоспарлануда, деп хабарлайды Azattyq Rýhy тілшісі Kyzylorda-news.kz-ке сілтеме жасап.

«Қазақстан тарихы бойынша көптеген ұсыныстар бар. ҰБТ тапсыру қорытындысы бойынша үш баспаның үш оқулығы шартты түрде кездесетінін көріп отырмыз. Себебі, балама оқулықтар бар. Бұл жағдайда интерпретациялар әртүрлі, күндер және т.б. мәліметтер әртүрлі  болатын жағдайлар кездеседі. Әрине, бұған жол беруге болмайды. Сондықтан, қазір, менің ойымша, ұсыныстар пайда болды және олардың пайда болуы әділ де. Бұл ұсыныстар Қазақстан тарихы бойынша бірыңғай базалық оқулықты енгізу қажеттігі туралы және ұсыныс өте байыпты қаралады»,- деп мәлімдеді ҚР Білім және ғылым министрі Асхат Аймағамбетов оқулық мәселелері бойынша онлайн-кеңес барысында.

Министрдің айтуынша, сондай-ақ Қазақ әдебиеті және бағдарламадағы оқулықтар бойынша да көптеген мәселелер көтерілуде.

«Біз жұмыс тобын құрдық. Қазақ әдебиетін өзектендіру бойынша көп жұмыс жүргізілуде»,- деді А.Аймағамбетов.