Қалада бүгінге дейін Сovid-19 жұқтыруған 5 174 адам анықталды
Шымкент қаласында өткен үш тәулікте коронавирус жұқтырған бір де бір науқас тіркелмеді. Бұл туралы қала әкімі Мұрат Әйтенов айтты, деп хабарлайды Azattyq Rýhy тілшісі.
«Қалада өткен үш тәулікте коронавирус жұқтырған бір де бір науқас тіркелмеді. Вирус жұқтыру деңгейінің төмендеуіне қалада жүргізіліп жатқан алдын алу жұмыстары септігін тигізді», - деді әкім.
Оның айтуынша, қалыпты өмір салтына қайта көшуіміз үшін әлі де болса карантин талаптарына сәйкес сақтық шараларын күшейту қажет.
Айта кетейік, Шымкент қаласында бүгінге дейін Сovid-19 жұқтырған 5 174 адам тіркелді.