Ғалымдар Гренландия мұздығы жылдам еріп жатқанын айтты

Әлемдегі ең үлкен мұз қабаттарының бірі – Гренландия мұздығы жылдам еріп жатыр, деп хабарлайды Azattyq Rýhy тілшісі Интерфакс басылымына сілтеме жасап.

Ақпарат көздерінің хабарлауынша, былтыр 532 млрд тонна мұз еріген. Ғалымдар мұндай өзгеріс соңғы 60 жылда алғаш рет байқалып отырғанын айтады. 

Болжам бойынша мұхиттың суы шамамен 1,5 миллиметрге дейін көтерілуі ықтимал. Салыстырмалы түрде айтсақ, бұл Ұлыбританияның аумағындай жерді биіктігі 2,5 метрге дейін су басады деген сөз. Мамандар тек күн суытса ғана, Гренландиядағы мұздың еруі тоқтайтынын айтып отыр.