Оқиғаның видеосы әлеуметтік желіде жарияланды
Жетісу облысының Текелі қаласында жолаушылар өткелінен өтіп бара жатқан 11 жастағы қыз баланы экскаватор басып кетті. Мектеп оқушысы алған жарақатынан көз жұмды, деп хабарлайды Azattyq Rýhy.
Оқиғаның видеосы әлеуметтік желіде жарияланды. Полиция департаменті қайғылы оқиғаға байланысты қылмыстық іс қозғады. Volvo маркалы экскаватордың жүргізушісі қамауға алынды.
«Қазіргі уақытта оқиғаның барлық мән-жайын анықтау үшін тергеу жүріп жатыр. Тергеу барысы облыстық Полиция департаментінің бақылауында», – делінген ПД хабарламасында.
Полиция жүргізушілерге жолаушылар өткеліне жақындаған тұста абай болу керектігін, бағдаршам белгісін қатаң сақтау екенін ескертті.