Сотталған шетел азаматы кәмелеткен толмаған болып шықты
Маңғыстау облысында есірткі контрабандасы қылмысына қатысы бар деген айыппен Иранның 18 жасқа толмаған азаматы 10 жылға сотталды, деп хабарлайды Azattyq Rýhy.
Ол биыл «Горган – Ақтау» әуе рейсімен ұшып келген. Ұшаққа отырар алдын 1 келіден аса апиын салынған 113 капсуланы жұтып, асқазанына салып жеткізген. Осылайша шетел азаматы есірткіні Қазақстанда сатпақ болған.
Маңғыстау облысында ҰҚК қызметкерлері шетел азаматының жымысқы ойын бірден әшкере етті.
«Үкім заңды күшіне енді. Есірткі қылмысы үшін 5-20 жыл аралығында жаза қолданылады», – делінген прокуратураның хабарламасында.