Астанада көпқабатты тұрғын үйдегі өрттен екі бала мен екі ересек адам құтқарылды

Астананың Есіл ауданы, Мәңгілік Ел даңғылында орналасқан көпқабатты тұрғын үй кешенінде өрт шығып, ТЖМ құтқарушылары төрт адамды тілсіз жаудан аман алып қалды, деп хабарлайды Azattyq Rýhy.

Өрт 18 қабатты тұрғын үйдің 14-қабатындағы пәтерден шыққан. Шұғыл шақырту орнына жеткен өртсөндірушілер пәтер ішіндегі жиһаз бен үй заттарының жанғанын анықтады.

Құтқарушылар арнайы тыныс алу маскаларын пайдаланып, қою түтін басқан үйден 4 адамды, оның ішінде 2 баланы қауіпсіз жерге шығарды. Өрт жоғары қабаттағы пәтердің 25 шаршы метр аумағын шарпыған. Тілсіз жау толық сөндірілді. Оқиғадан зардап шеккендер мен жарақат алғандар жоқ.