Синоптиктердің алдағы үш күнге арнаған ауа райы болжамы белгілі болды
Қазақстанның солтүстігінде ауа температурасы салқындап, оңтүстікте күн жылы болады, деп хабарлайды Azattyq Rýhy.
«Қазгидромет» мәліметінше, алдағы күндері Қазақстанның басым бөлігінде ауа райына солтүстік-батыс циклоны және онымен байланысты атмосфералық фронттар әсер етеді.
Ауа райы тұрақсыз болады: жаңбыр жауып, кей жерлерде найзағай ойнайды, жел күшейіп, ауа температурасы біртіндеп төмендейді.
«Еліміздің оңтүстік-шығысында 12 қыркүйекте жаңбыр жауады, бірақ ауа райы жылы болады. Сонымен қатар батыста циклон өткеннен кейін жауын-шашын әлсіреп, ауа райы біртіндеп тұрақтанады. Ауа температурасы солтүстік және солтүстік-батыс өңірлерде +13…+23°С-қа дейін, орталықта +15…+25°С-қа дейін төмендейді. Ал батыста температура біртіндеп +20…+28°С-қа дейін жоғарылайды», – делінген синоптиктер болжамында.