Алматыда Enrique Iglesias-тің концертінен кейін тегін шаттл-автобустар қатынайды

Алматыда 5 қыркүйекте Орталық стадионда өтетін Enrique Iglesias-тің концертінен кейін тегін шаттл-автобустар қатынайды, деп хабарлайды Azattyq Rýhy.

Қала әкімдігінің мәліметінше, 5 қыркүйекте Орталық стадионда өтетін Энрике Иглесиастың концерті кезінде Алматыдағы қоғамдық көлік, оның ішінде метрополитен де қалыпты режимде жұмыс істейді.

«Көрермендерге ыңғайлы болу үшін әрі қауіпсіздікті қамтамасыз ету мақсатында концерт аяқталғаннан кейін 50 тегін шаттл ұйымдастырылады. Олар стадионның Абай даңғылы мен Байтұрсынұлы көшесі жағынан жолға шығады», – делінген хабарламада.

Шаттл-автобустар келесі бағыттар бойынша қатынайды:

• Әуежай;
• Орбита шағынауданы;
• Алматы-1 теміржол вокзалы;
• Райымбек-Алатау;
• Алматы Арена.