Қазақстанда доллар бағамы қайта көтеріліп келеді

Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 456,56 теңге болды. Бұл алдыңғы көрсеткіштен 0,53 теңгеге жоғары, деп хабарлайды Azattyq Rýhy.

Қазақстан Ұлттық банкінің 4 қыркүйекке белгілеген ресми доллар бағамы – 455,86 теңге.

Kurs.kz сайтының мәліметінше, қазіргі уақытта Алматыдағы айырбастау пунктерінде долларды сатып алудың орташа бағамы 456,21 теңге, сатудың орташа бағамы 458,26 теңге болып отыр.

Астанада айырбастау пунктері долларды орта есеппен 454 теңгеден сатып алып, 461,01 теңгеден сатып жатыр.

Ал Шымкентте долларды сатып алудың орташа бағамы – 456,37 теңге, сатудың орташа бағамы – 458,48 теңге.