Оқиғаның видеосы әлеуметтік желіде жарияланды
Атырауда ер адам аулада отырған әйелді басы мен бетінен екі рет ұрып жіберді. Нұрсая шағынауданындағы №21 тұрғын үйдің ауласында болған жанжал бейнебақылау камерасына түсіп қалған, деп хабарлайды Azattyq Rýhy.
Кадрлардан ер адам мен әйелдің әуелі өзара сөзге келіп қалғаны, артынша ер адамның әйелді екі рет ұрғаны көрінеді.
Оқиға куәгерлердің көз алдында болған. Жанжалдың неден шыққаны және әйелдің қазіргі жағдайы әзірге белгісіз. Сондай-ақ оның полицияға немесе медициналық көмекке жүгінген-жүгінбегені туралы ақпарат жоқ.
Агенттік тілшісі оқиғаға байланысты Атырау облысының Полиция департаментіне сауал жолдады.