Тұрғындар ауылдағы өзекті мәселелерді көтерді
«Ауыл» партиясынан Құрылтай депутаттығына үміткер Қайрат Айтуғанов Қостанай облысына жұмыс сапары аясында Мәскеу ауылдық округінің тұрғындарымен кездесті, деп хабарлайды Azattyq Rýhy.
Ауылдық дәрігерлік амбулатория аумағында өткен кездесуде партияның сайлауалды бағдарламасының негізгі бағыттары таныстырылып, ауылды дамыту мәселелері талқыланды. Тұрғындар дәріхананың жоқтығы, медицина саласындағы мамандар тапшылығы және дәрі-дәрмекке қолжетімділік мәселесін көтерді.
Сондай-ақ жиында ауылдың әлеуметтік инфрақұрылымы, жол сапасы, жұмыспен қамту және жастарды қолдау бағытында пікір алмасу өтті. Кандидат тұрғындар айтқан ұсыныстар мен көтерілген мәселелер алдағы жұмыс барысында ескерілетінін айтты.