«Байтақ» партиясы Қарағанды облысында үгіт материалдарын орналастыру жұмысын бастады

Қазақстанның «Байтақ» жасылдар партиясының Қарағанды облыстық филиалының өкілдері сайлауалды үгіт-насихат науқаны аясында өңірде үгіт материалдарын орналастыру жұмысын жүргізді, деп хабарлайды Azattyq Rýhy.

Партияның облыстық штабы қаладағы арнайы ақпараттық тақталар мен орындарға үгіт парақшаларын орналастырды. Бұл заң талабына сай жергілікті билік мен тиісті сайлау комиссиялары айқындаған орындар.

Партия өкілдерінің сөзінше, сайлауалды үгіт-насихат – ашық әрі әділ сайлау процесінің маңызды бөлігі. Ол азаматтарға саяси ұйымдардың сайлауалды бағдарламалармен танысып, саналы таңдау жасауға мүмкіндік береді.

«Байтақ» партиясы барлық азаматтарды алдағы сайлауда белсенді болуға шақырады.