Бурабай мен «Семей орманында» шыққан өрт ошақтары оқшауланды

2026 жылдың 25 шілдесінде Қазақстанның орман қоры аумағында 3 өрт ошағы тіркелді. Құтқарушылардың шұғыл әрекеті арқылы тілсіз жау толықтай ауыздықталды, деп хабарлайды Azattyq Rýhy.

Бурабай ұлттық паркі аумағында екі өрт ошағы анықталды. Өртті сөндіру жұмыстарына «Қазавиаорманқорғау» мекемесінің Ми-8 тікұшағы жұмылдырылды. Орманшылар мен әуе десантшыларының үйлесімді іс-қимылының арқасында жалын қысқа уақытта оқшауланды.

«Семей орманы» резерватында да өрт ошағы байқалды. Алдын ала мәлімет бойынша, өрттің шығуына найзағай түсуі себеп болған. Құтқарушылар шағын аумақты шарпыған жалынды қысқа мерзімде толық сөндірді.