Ауа райы күрт ысиды: Қазақстанда алдағы күндері температура 45 градусқа дейін көтеріледі

«Қазгидромет» РМК алдағы үш күнде ауа райы күрт ыситыны жөнінде болжам жасады, деп хабарлайды Azattyq Rýhy.

Синоптиктердің мәліметінше, солтүстік-батыс циклонының және онымен байланысты атмосфералық фронтальды бөліктердің әсерінен Қазақстанның солтүстік өңірлерінде жаңбыр жауып, найзағай ойнайды.

15-16 шілдеде еліміздің жекелеген аудандарында қатты жаңбыр жауып, бұршақ түсуі ықтимал. Желдің екпіні күшейіп, дауылды құбылыстар күтіледі.

«Циклонның ықпалымен солтүстік өңірлерде ауа температурасы төмендейді. Күндізгі уақытта ауа температурасы +25…+30°С шамасында болады. Қазақстанның оңтүстік және шығыс өңірлеріне Өзбекстан аумағынан құрғақ ауа массаларының келуі жалғасады. Осыған байланысты бұл өңірлерде жауын-шашынсыз ыстық ауа райы сақталады. Күндіз ауа температурасы оңтүстікте +40…+45°С, шығыста +33…+38°С дейін көтеріледі», – делінген синоптиктердің болжамында.