22 жастағы ер адам кішкентай қыз балалармен TikTok-та танысқан
Жетісу облысында кішкентай қыз балалардың интимді видеоларын таратқан ер адам қолға түсті, деп хабарлайды Azattyq Rýhy.
«Криминальный Казахстан» мәліметінше, 22 жастағы ер адам кәмелетке толмағанға жыныстық сипаттағы материалдарды заңсыз таратты деген күдікпен қамауға алынды.
Тергеушілердің айтуынша, ер адам кішкентай қыз балалармен TikTok-та танысып, содан кейін мессенджер арқылы әңгімелерін жалғастырған. Күдікті оның сеніміне кіріп, психологиялық қысым, қорқыту және 20 000 теңге ақшалай сыйақы уәде беріп, интимді видеоларын алған. Содан кейін ол бұл видеоларды жабық арналар арқылы мессенджерде заңсыз таратып, ақша тапқан.
Күдікті анықталып, тергеу изоляторына қамалды. Қазіргі уақытта қажетті тергеу шаралары жүргізілуде, оның осыған ұқсас қылмыстарға қатысы тексеріліп жатыр.