Аңызға айналған апорт қайта жаңғырады: 2027 жылға дейін 100 гектар бақ отырғызылады

2006 жылдан бері, яғни соңғы 10 жыл бойы, ҚР Ауыл шаруашылығы министрлігінің мәліметінше, қазақстандық ғалымдар атақты апорт алма сұрпын қайта жаңғырту жұмыстарымен айналысып келді. Енді ведомство сапалы отырғызу материалы алынғанын хабарлады. 2027 жылға дейін алма көшеттері 100 гектар жерге отырғызылмақ, деп хабарлайды Azattyq Rýhy ҚР Ауыл шаруашылығы министрлігінің баспасөз қызметіне сілтеме жасап.

Сұрыпты қалпына келтірумен Қазақ жеміс-көкөніс және жүзім шаруашылығы ғылыми-зерттеу институты мен Қазақ өсімдіктерді қорғау және карантин ғылыми-зерттеу институтының мамандары айналысты. Олар Жоңғар Алатауы және Іле Алатауы ұлттық парктерінен жабайы алма ағаштарын іріктеп алып, оларды вирустық аурулардан тазартты. Кейін алынған ағаштар Талғардағы Қазақ жеміс-көкөніс шаруашылығы ғылыми-зерттеу институтының аумағына отырғызылды.

Алматы маңындағы тәжірибелік бақ бір жыл бойы өсірілді. Енді 10 гектар аумақтағы көшеттер Алматы облысындағы 100 гектар жерге көшіріліп отырғызылады. Нәтижесінде апорт бақтарының жалпы аумағы 110 гектарға жетеді.

Қуантатыны, көшеттерді отырғызу мерзімі өткен жылмен салыстырғанда өзгерген жоқ. Алғашқы апорт өнімі сегіз жылдан кейін, яғни 2034–2035 жылдары алынуы жоспарланып отыр.

Апорт алмасы қызыл түсті, ірі келеді, салмағы жарты келіге дейін жетуі мүмкін. Сонымен қатар бұл сұрып өзіне тән жағымды әрі қанық хош иісімен ерекшеленеді.