13-15 маусымға арналған ауа райы болжамы жарияланды
«Қазгидромет» мәліметінше, алдағы күндері Қазақстан аумағында атмосфералық фронтальды бөліктердің өтуіне байланысты ауа райы тұрақсыз болады, жаңбыр жауып, найзағай ойнайды, деп хабарлайды Azattyq Rýhy.
Синоптиктердің болжамына сүйенсек, 13-15 маусым күндері Қостанай облысында, ал 15 маусымда Маңғыстау, Солтүстік Қазақстан және Ақмола облыстарында нөсер жаңбыр күтіледі.
Бүкіл кезең ішінде елдің солтүстігінде, солтүстік-батысында, ал 15 маусымда оңтүстік-батысында бұршақ жаууы және екпінді жел соғуы болжанып отыр. Республика аумағы бойынша желдің күшеюі күтіледі.
«Күндізгі уақытта бүкіл кезең бойы Шығыс Қазақстан облысында, Абай облысында, 14-15 маусым күндері Қарағанды, Жамбыл, Алматы облыстарында және Жетісу облысында, сондай-ақ 15 маусымда Атырау облысында қатты аптап ыстық күтіледі – ауа температурасы +35…+38°С-қа дейін көтеріледі», – делінген синоптиктердің болжамында.