Шекарадағы жасырын жүк: Қазақстанға 180 млн теңгеден асатын темекіні заңсыз кіргізбек болғандар ұсталды

Жамбыл облысындағы «Қарасу» автомобиль өткізу пункті арқылы Қазақстанға темекі өнімдерін заңсыз кіргізбек болғандар ұсталды, деп хабарлайды Azattyq Rýhy.

Оқиға 8 маусым күні болды. Жүк автокөлігіне 360 мың қорап темекіні жасырып, Қазақстан аумағына заңсыз алып өтпек болған.

Алдын ала бағалау бойынша алынған темекі өнімдерінің құны 180 млн теңгеден асады.

«Тауар одан әрі тексеру жүргізу үшін тиісті органға тапсырылды. Жыл басынан бері ҰҚК Шекара қызметі темекі өнімдерін заңсыз алып өтудің 93 фактісінің жолын кесті, олардың жалпы құны 386 млн теңгені құрады», – делінген ҰҚК хабарламасында.