Астанада ер адам «Нұрлы жол» вокзалының жанындағы көпірден құлап кетті

Астанада бүгін ер адам «Нұрлы жол» теміржол вокзалының аумағында орналасқан көпірден секіріп кетті, деп хабарлайды Azattyq Rýhy.

Әлеуметтік желіде оқиға орнынан түсірілген видео жарияланды. Кадрлардан жол бойында құлап жатқан адамды көтеріп, зембілмен жедел жәрдем көлігіне тасымалдап жатқанын көруге болады.

Астана қаласы Полиция департаментінің баспасөз қызметі агенттік тілшісіне берген түсініктемесінде мәлімдегендей, суицид әрекеті бойынша қылмыстық іс қозғалды.

«28 мамырда ер адамның көпірден секіріп кеткені анықталды. Зардап шегуші жедел түрде медициналық мекемеге жеткізілді, онда оған қажетті көмек көрсетілуде. Қазіргі уақытта оқиғаның барлық мән-жайы анықталып жатыр», – деп хабарлады полиция.