Мамыр айының алғашқы күндері Қазақстанда ауа райы қандай болады
Синоптиктердің болжамы жарияланды
«Қазгидромет» РМК алдағы үш күнге арналған ауа райы болжамын жариялады, деп хабарлайды Azattyq Rýhy.
Қазақстанның басым бөлігінде ауа райының құбылмалы сипаты сақталады: жаңбыр жауып, найзағай ойнайды. 30 сәуірде елдің оңтүстік-батысында және солтүстік-батысында, ал 2 мамырда оңтүстігі мен оңтүстік-шығысында қатты жаңбыр күтіледі. Кей жерлерде бұршақ жауып, екпінді жел соғуы мүмкін.
«30 сәуірде солтүстік және орталық өңірлерде, сондай-ақ бүкіл кезең бойы шығыс облыстарда жауын-шашынсыз ауа райы болжанады. Қазақстанның оңтүстігінде шаңды дауыл күтіледі. Республика бойынша түнгі және таңғы сағаттарда тұман түседі. Бүкіл кезеңде батыс өңірлерде, 30 сәуірде шығыста, 30 сәуір және 2 мамырда солтүстік-батыста, 2 мамырда елдің солтүстігінде түнгі уақытта 3°C-қа дейін үсік жүруі мүмкін», – делінген «Қазгидромет» болжамында.
Күндіз ауа температурасы біртіндеп көтеріледі:
- Оңтүстік-батыста +17…+22°C дейін;
- солтүстік-батыста +13…+25°C дейін;
- шығыста +25…+32°C дейін;
- оңтүстік-шығыста +25…+32°C дейін.
- Ал төмендеу күтіледі:
- батыста +10…+15°C дейін;
- солтүстікте +12…+18°C дейін;
- орталықта +15…+25°C дейін;
- оңтүстікте +18…+23°C дейін.
Көп оқылған
