Астанадағы Бейбітшілік көшесі төрт күнге жабылады

Нұр-Сұлтандағы Бейбітшілік көшесі 20-23 шілде аралығында жабылады. Елорда тұрғындары мен қонақтары жол жүру бағытын алдын-ала жоспарлауы керек, деп хабарлайды Azattyq Rýhy тілшісі елорда әкімдігінің ресми сайтына сілтеме жасап.

Қалалық көлік және жол-көлік инфрақұрылымын дамыту басқармасының хабарлауынша, көшелер мен жолдарды жөндеу жұмыстары Бейбітшілік көшесі бойымен Есенберлин көшесінен Бөгенбай батыр даңғылына дейінгі учаскелерде жоспарлануда. Осыған байланысты 20-23 шілде аралығында аталған учаскедегі қозғалыс толық тоқтатылады.

«Елорда тұрғындары мен қонақтары көлік кептелісін болдырмау үшін өз бағыттарын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды сұраймыз», – делінген хабарламада.