Қостанай облысында дәрілерді қымбат бағаға сатқан үш дәріхана анықталды

Қостанай облысында дәрі-дәрмектерді қымбат бағаға сатқан дәріханалар анықталды, деп хабарлайды Azattyq Rýhy тілшісі Облыстық тауарлар мен қызметтердің сапасы мен қауіпсіздігін бақылау департаментінің баспасөз қызметіне сілтеме жасап. 

«Қостанай қаласының 3 дәріханасында дәрілік препараттарға белгіленген шекті бағадан асырып сату фактілері тіркелді. Дәріхана басшыларына ауызша ескерту жасалды. Рейдтік іс-шаралар жалғасады», - деп жазылған хабарламада.

Облыстық тауарлар мен қызметтердің сапасы мен қауіпсіздігін бақылау департаменті тұрғындарды дәрі-дәрмек бағасының негізсіз қымбаттауына қатысты деректерді хабарлауға шақырады.