Ақтөбеде құтқарушылар балалардың терезеден құлап кетуінің алдын алу үшін дрон қолданатын болды (ВИДЕО)

Актөбе облысының Төтенше жағдайлар департаменті балалардың терезеден құлап кетуінің алдын алу мақсатында дрондарды қолдана отырып, профилактикалық жұмыстар жүргізіп жатыр, деп хабарлайды Azattyq Rýhy.

ҚР ТЖМ мәліметінше, дрон арқылы көпқабатты тұрғын үйлердің маңында арнайы дауыс зорайтқышпен қауіпсіздік ережелері туралы ескертулер берілді.

Тұрғындарға балаларды қараусыз қалдырмау, терезелерге қорғаныс құралдарын орнату және қауіпсіздік талаптарын сақтау қажеттігі түсіндірілді.

«Іс-шараның мақсаты – жазатайым оқиғалардың алдын алу және тұрғындардың қауіпсіздік мәдениетін арттыру», – делінген ведомство хабарламасында.