Қазақстанда боран салдарынан бірқатар жолда қозғалыс шектелді

Қазақстанда ауа райының күрт нашарлауына байланысты республикалық маңызы бар бірқатар автожолда қозғалысқа шектеу енгізілді, деп хабарлайды Azattyq Rýhy.

Бұл туралы «ҚазАвтоЖол» ұлттық компаниясы мәлімдеді.

Шектеулер 24 наурыз күні кешке еліміздің бірнеше өңірінде енгізілген.

Ақмола облысы

• «Астана – Қарағанды – Алматы»
• 30–92 шақырым (Жібек жолы ақылы жол бекеті – Қарағанды облысының шекарасы)

Қарағанды облысы

• «Астана – Қарағанды – Алматы»
• 92–164 шақырым (Ақмола облысының шекарасы – Теміртау ақылы жол бекеті)
• «Қарағанды – Аягөз – Тарбағатай – Бұғаз»
• 17–217 шақырым (Қарағанды – Қарқаралы)
• «Қызылорда – Жезқазған – Қарағанды – Шідерті»
• 970–1135 шақырым (Қарағанды – Павлодар облысының шекарасы)

Павлодар облысы

• «Қызылорда – Жезқазған – Қарағанды – Шідерті»
• 1135–1206 шақырым (Қарағанды облысының шекарасы – Шідерті кенті)

Ұлттық компанияның мәліметінше, жолдарды ашудың болжамды уақыты – 25 наурыз сағат 08:00.

Жүргізушілерге ауа райы жағдайын ескеріп, жол бағытын алдын ала жоспарлау ұсынылды.