Тбилисиде тарихи жеңіс: Серікбаев екінші жыл қатарынан топ жарды

Нұрқанат Серікбаев финалда әзірбайжандық балуанды соңғы сәтте ұтты

Фото: olympic.kz

Қазақстандық дзюдошы Нұрқанат Серікбаев Грузия астанасы Тбилисиде өтіп жатқан Grand Slam турнирінде алтын медаль жеңіп алды, деп хабарлайды Azattyq Rýhy.

Отандасымыз 66 кг дейінгі салмақ дәрежесінде финалға дейін сүрінбей жетіп, шешуші белдесуде әзірбайжандық Туран Байрамовпен кездесті. Тартысқа толы өткен жекпе-жекте Серікбаев соңғы секундтарда тиімді әдіс жасап, «юко» ұпайын еншіледі. Осылайша, қазақстандық спортшы қарсыласынан басым түсіп, жарыстың чемпионы атанды.

Айта кетейік, Нұрқанат Серікбаев бұған дейін де Тбилисиде өткен Grand Slam турнирінде топ жарып, 2024 жылы алтын медаль иеленген болатын.

Мақалада

#алтын #олимпиада чемпионы #дзюдо #Грузия

Алдыңғы жаңалық

Тбилисидегі Grand Slam: Қазақстан қоржынына алғашқы жүлде түсті