Комиссия заң жобасын екінші оқылымда талқылайды
Парламент палаталарының бірлескен отырысында Алатау қаласының мәртебесі жайлы заң жобасы бірінші оқылымда мақұлданды, деп хабарлайды Azattyq Rýhy.
Сенаттан қатысып отырған 47 депутаттың бәрі қолдады – 47. Мәжілістен қатысқан 87 депутаттан 86-сы қолдады, 1 депутат қалыс қалды.
Сенат депутаты Серік Шайдаров Алатау қаласының арнаулы мәртебесі туралы Конституциялық заңының жобасы бойынша палаталардың әрқайсысы өз отырыстарында бірлескен комиссияның құрамына ұсыныстарын білдіргенін айтты.
«Осыған байланысты бірлескен комиссия құрамына Қазақстан Республикасы Парламентінің келесі депутаттарын ұсынамыз:
Бірлескен комиссияның төрағасы ретінде Қазақстан Республикасы Парламенті Мәжілісінің Экономикалық реформа және өңірлік даму комитетінің төрағасы Нұртай Салихұлы Сабильяновты ұсынамыз»,- деді ол.
Осылайша комиссия төрағасы болып Нұртай Сабильянов таңдалды.