Қазақстанның бірқатар өңірінде республикалық тасжолдар жабылып қалды

Қазақстанда 16 наурыз күні сағат 10:30-дағы жағдай бойынша екі облыстағы үш республикалық автожол учаскесінде көлік қозғалысына уақытша шектеу енгізілді. Бұл туралы «ҚазАвтоЖол» ұлттық компаниясы» АҚ баспасөз қызметі хабарлады, деп жазады Azattyq Rýhy.

Атап айтқанда, уақытша шектеулер мына учаскелерде енгізілді:

Ақтөбе облысында:

• Қостанай – Рудный – Денисовка – Комсомольское – Қарабұтақ автожолының 89-234-шақырымы аралығы (Т.Жүргенов ауылынан Қостанай облысының шекарасына дейін);
• РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы автожолының 776-1153-шақырымы аралығы («ЭКО Ойл» жанармай құю бекетінен Ырғыз ауылына дейін).

Қостанай облысында:

• Қостанай – Рудный – Денисовка – Комсомольское – Қарабұтақ автожолының 234-549-шақырымы аралығы (Ақтөбе облысының шекарасынан Қостанай қаласына дейін).

Қазіргі уақытта жолдарды күтіп-ұстау жұмысына 843 арнайы техника жұмылдырылған.