БҚО-да ағайынды екі ер адамнан қару-жарақ қоймасы мен жүздеген оқ табылды (ВИДЕО)

Батыс Қазақстан облысының аумағында ағайынды екі жігіттен қару-жарақ пен жүздеген оқ-дәрі табылды, деп хабарлайды Azattyq Rýhy.

Екі ер адамның әрекеті тәртіп сақшыларының назарын еріксіз аударған. Олардың бірінің көлігін тексергенде, ішінен көп мөлшерде оқ-дәрі табылған. Кейін күдіктілердің тұрғылықты мекенжайларында және олардың бір танысының үйінде тінту жүргізілді.

Көліктерін тінту барысында екі травматикалық тапанша, алты травматикалық оқ салынған оқжатар, аэрозольді тапанша және 200-ден астам оқ-дәрі тәркіленді.

Ал тағы бір азаматтың үйін тінту кезінде атуға жарамды деп танылған шолақ мылтық табылып, тәркіленді.