Ақтөбе облысында екі күн ішінде адам сенгісіз қылмыстардың беті ашылды (ВИДЕО)

Ақтөбеде облысында екі күн ішінде полиция қызметкерлері алкоголь өнімдерін заңсыз сату бойынша 22 деректі, ұсақ бұзақылықтың 43 дерегін, сондай-ақ ортақ пайдаланылатын орындарды ластаудың 25 дерегін анықтады, деп хабарлайды Azattyq Rýhy.

Сонымен қатар, екі күн ішінде 26 шетел азаматы Қазақстан Республикасының көші-қон заңнамасын бұзған, олардың алтауы ел аумағынан шығарылды.

Жол қауіпсіздігін қамтамасыз етуге де ерекше назар аударылуда. Полицейлер жолдың қарсы бағытына шығудың 10 дерегін, сондай-ақ көлік құралын мас күйінде басқарған 12 жүргізушіні анықтады.

«Жедел-іздестіру іс-шараларын жүргізу барысында полиция қызметкерлері есірткі заттарын заңсыз айналымға салды деген күдікпен Ақтөбе қаласының тұрғынын ұстады. Тергеу әрекеттері кезінде күдіктінің автокөлігінен ұнтақ зат салынған 8 орам табылып, тәркіленді.

Сараптама қорытындысына сәйкес, тәркіленген зат жалпы салмағы 6,47 грамм болатын синтетикалық психотроптық зат екені анықталды. Күдікті уақытша ұстау изоляторына қамалды. Аталған дерек бойынша сотқа дейінгі тергеп-тексеру жүргізіліп жатыр», – делінген облыстық ПД хабарламасында.