Атырау облысында Бергей Рысқалиев салдырған мешіт сатылып жатыр

Жарияланған:
01.11.2019, 09:36

Ғимаратты аудандық әкімдік өз балансына алуға ниетті

Республикалық Электронды сауда алаңында Атырау облысы Мақат ауданының орталығындағы зәулім мешіт сатылымға шығарылды. 311 шаршы метр аумағы және 0,3575 га жер телімі бар нысан бағасы – 102 020 907 теңге.

Мешітті ҚР Қаржы министрлігі Мемлекеттік мүлік және жекешелендіру комитетінің Атырау мемлекеттік мүлік және жекешелендіру департаменті сатып жатыр.

Атырау облысы әкімдігі баспасөз қызметінің мәліметінше, аталған мешіт елден қашып кеткен облыстың экс-әкімі Бергей Рысқалиевтердің мүліктерін тәркілеу кезінде мемлекет меншігіне өткен.

Нысанды 5 жұмыс күні ішінде заңды тұлғалар өз меншігіне алуға құлық танытпаса ол аукциондық сатылымға шығарылады.

«Қазіргі таңда Мақат аудандық әкімдігі мешітті коммуналды меншікке алу мәскелесін қарастырып жатыр. Ғимарат негізгі міндетін атқара береді, яғни ғибадат жасайтын орын болып қала береді», - деді облыс әкімдігінің баспасөз қызметі.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Мектептерде бейнебақылау жүйесіне жауапты қызметкер бекітіледі
Су, газ, жарық және жол мәселесі: Шымкент билігінің жоспары қандай?
Алматыда жүздеген наубайхана санитарлық талапқа сай келмейді

Сұхбат
«Абайдың 45 сұрағына» Мәжіліс депутаты Бақытгүл Хаменова жауап берді
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов