Жер сілкінісінің ошағы 19 шақырым тереңдікте болған
Қазақстандық сейсмологтар Қытай аумағында болған жер сілкінісін тіркеді, деп хабарлайды Azattyq Rýhy.
Қазақстан Республикасы Ұлттық ядролық орталығы Геофизикалық зерттеулер институтының Ұлттық деректер орталығы 2026 жылғы 23 ақпанда Астана уақытымен сағат 09:12-де жер сілкінісін тіркеді.
Жер сілкінісінің эпицентрі Алматы қаласынан оңтүстік-шығысқа қарай – Қытай аумағында, ШҰАР-да орналасқан. Магнитудасы – 5,1, энергетикалық класы – 12,9. Жер сілкінісінің ошағы 19 шақырым тереңдікте болған.