Сәбиді құтқару үшін ТЖМ тікұшағы жұмылдырылды
ҚР ТЖМ «Қазавиақұтқару» ұшқыштары санитариялық авиация желісі бойынша Өскемен – Алтай – Өскемен бағытымен ұшу рейсін орындады, деп хабарлайды Azattyq Rýhy.
«Ұшудың мақсаты – шұғыл түрде облыс орталығындағы медициналық мекемеге жатқызуды қажет еткен сәбиді жеткізу болды. Экипаж мүшелері мен медицина қызметкерлерінің үйлесімді жұмысының арқасында кішкентай науқас дер кезінде ауруханаға жеткізілді», – делінген ҚР ТЖМ хабарламасында.
ТЖМ тікұшақтары шалғай елді мекендердің тұрғындарына шұғыл көмек көрсету үшін тәулік бойы дайындықта тұрады.